Steppe Arena буюу та бидний нэрлэж заншсанаар Мөсөн өргөөд тавтай морил! Таныг энд байгаад бид маш их баяртай байна. Манай зочид, үйлчлүүлэгчид болон ажилтнуудын эрүүл мэнд, аюулгүй байдал нь бидний нэн тэргүүний зорилт юм. Эрхэм үйлчлүүлэгч та бүхэнтэйгээ спорт, урлагийн тоглолт, тэмдэглэлт баяр наадмыг хамтдаа үзэж, тэмдэглэж байгаадаа баяртай байна!

Мөсөн Өргөөгөөр үйлчлүүлсэн зочдынхоо туршлагад үндэслэж аюулгүй байдалтай холбоотой дараах удирдамжийг үйлчлүүлж буй бүх үйлчлүүлэгчдээсээ хүсэж байна. Аюулгүй байдлыг хангахын тулд энэхүү ерөнхий удирдамжийг дагаж мөрдөнө үү. Эдгээр удирдамж нь Засгийн газраас гаргасан тогтоол шийдвэр, түүнтэй уялдан гарч буй бусад хэм хэмжээний актуудтай холбоотойгоор өөрчлөгдөн шинэчлэгдэж байх болно.

Та бүхэн манайхаар үйлчлүүлэхдээ Засгийн газраас гаргасан цар тахлын үеийн зохицуулалт, дүрэм журмыг ягштал биелүүлэхийг анхаарна уу. Цар тахлын зохицуулалттай холбоотой шинэчлэгдсэн мэдээллийг Улсын онцгой комисс, Онцгой байдлын Ерөнхий газрын албан ёсны цахим хуудас https://nema.gov.mn/covid-19 холбоосоор үзнэ үү. 

Вакцины гэрчилгээ/COVID-19-ийн шинжилгээний Сөрөг хариу

Мөсөн өргөөд зохион байгуулагдах аливаа арга хэмжээнүүд нь COVID-19-ийн вакцинжуулалтын гэрчилгээ, эсвэл COVID-19 шинжилгээний сөрөг хариу шаардаж болно. Тухайн арга хэмжээний талаарх дэлгэрэнгүй мэдээллийг https://www.steppearena.mn/events хуудасны тухайн арга хэмжээтэй холбогдох хэсгээс авна уу. Мөсөн өргөөний захиргаа болон гэрээлэгч талын хүсэлтээр өөрчлөлт орох боломжтой.

Маск байнга зүүх

Мөсөн өргөөний бүх үйлчлүүлэгч, ажилчдад амны хаалт заавал зүүхийг шаардана.

Хүн хоорондын зай барих

Касс, хувцас солих өрөө, хувцасны өлгүүр, хоол ундааны цэгүүд, тэшүүр олголт болон ордны бусад хэсгүүдэд  бөөгнөрөл үүсгэж болохгүй. Үйлчлүүлж байх хугацаандаа хүн хоорондын зайгаа баримталж байхыг хүсье.

• 15×20см (4.5″ x 6.5″)-аас бага хэмжээтэй жижиг түрийвч/бугуйвчны цүнхтэй үйлчлүүлэгчийг чөлөөтэй нэвтрүүлэх ба  тээш шалгах шугамаар оруулахгүй байж болно.
• Доторх нь нэвт харагддаг тунгалаг цүнх, хүүхдийн хувцасны цүнх, эмнэлгийн уут зэрэгтэй үйлчлүүлэгчийг нэвтрэхийг зөвшөөрч болох ба цүнхээ шалгуулж орох шаардлагатай.
• Цүнх, тээшээ шалгуулж орох шаардлага үүссэн тохиолдолд тухайн өдрийн арга хэмжээний онцлогоос хамаарч үйлчлүүлэгчдийн урт дараалалд зогсох магадлалтай.

Цүнхний бодлого нь тухайн арга хэмжээний онцлогоос хамаарч өөр өөр байж болно. Дэлгэрэнгүй мэдээллийг тухайн арга хэмжээтэй холбоотой хэсгээс дахин нягтална уу.

• Зогсоолын төлбөрөө гарахаас өмнө касс дээр урьдчилан төлөх боломжтой. Мөн зогсоолын касс дээр ч бэлэн болон бэлэн бусаар төлж болно. 
• Ташрамд, бид тун удахгүй та бүхний цаг завыг хэмнэх зорилгоор Лоббид төлбөр төлөх ТҮЦ машин байрлуулахаар төлөвлөж байна.
• Зочдыг зогсоолын ажилтнуудтай харилцах, мөн тээврийн хэрэгслээс бууж Мөсөн Өргөө рүү ойртох үеэс эхлэн амны хаалт зүүхийг зөвлөж байна.

Хоол ундааны үйлчилгээ нь ордны хэд хэдэн хэсэгт байрлах ба та бүхэн өөрт тохирох хоолны сонголтоо тухайн хэсгүүдэд биечлэн очиж хийхийг зөвлөж байна.

Ковидтой холбоотойгоор бид бүх үйлчилгээний төлбөрийг бэлэн бусаар  хийхийг зөвлөж байна. 

Бүх банкны картаар үйлчлүүлэх боломжтой. Цахим гүйлгээний бусад дэвшилтэт технологиудыг нэвтрүүлэхээр бид ажиллаж байна.

Мөсөн Өргөөний бусад бодлого болон удирдамжтай бүтнээр нь танилцахыг хүсвэл дараах холбоосоор үзнэ үү. https://www.steppearena.mn/aboutus